Ný ást!

Hef fundið nýja ást sem kyndir vel undir mér, er alltaf til staðar þegar ég þarf á honum að halda og lætur mig slaka vel á! Hann heitir Tóti...og er því miður bara í láni :o/ Tóti er hitapoki. Hér með óska ég mér heitast af öllu að eignast hitapoka! Skil ekki að ég hafi ekki kynnst þeim fyrr!

Bakið var verra í dag en í gær en samt ekki jafnvont og í fyrradag. En núna í kvöld versnaði það til muna...held að leikæfing og Bjarkartónleikar hafi ekki bætt úr skák!

Já, ég fór á Bjarkartónleikana og þeir voru magnaðir! Hélt að ég myndi ekki fara því ég á tæplega núll krónur en svo hringdi Vala í mig klukkan sj...Nei, afsakið hún hringdi ekki í mig þar sem það er með öllu ómögulegt...hún sendi mér skilaboð á msn klukkan sjö og spurði hvað ég var að gera. Þá var ég nýsest niður fyrir framan House - seríu 2 cd 2 - með kvöldmatinn minn, sem samanstóð af kakósúpu(bragðbættri með dökku Hersey's súkkulaðidufti og heslihnetusýrópi), buffalo-vængjum (rest af því sem ég gerði alveg sjálf og ein á Páskadag), samloku með gúrkum og kindakæfu, tómat og appelsínutrópí með aldinkjöti (geri aðrir betur!). En aftur að Völu. Hún bauð mér þá að koma á Bjarkartónleika þegar ég yrði búin að éta þar sem að hún ætti aukamiða (en Sebastian hennar fékk heilahristing og komst ekki). Góðir tónleikar með góðri vinkonu (sem ég sé alltof sjaldan!)

En bakið mitt var ekki sátt við að ég stæði í 2 tíma!

Er komin með nett í magann af því að Bingó verður frumsýnt á laugardaginn næsta! JÁ NÆSTA LAUGARDAG!!!!! Endilega komið á sýningar því ekkert af ykkur hefur verið duglegt að mæta á það sem ég er að gera! Og hana nú! Nema mamma og hún er helminginn af árinu úti í Kosovo! Fólk sem býr í Bretlandi, Bandaríkjunum, Danmörku og Hollandi fær undanþágu nema ef vera skyldi að það sé á landinu í apríl eða maí. Endilega tékkið hvaða dag þið komist á Hugleikssíðunni! Og pantið miða strax því það verður selt hratt og fast á þetta stykki! Á síðunni er líka verkið kynnt sem og höfundur og leikstjóri, sem eru algerar klassakonur ;o)

Læt eina mynd fylgja hérna sem tengist einmitt Bingói og ég hló í hálftíma og hlæ enn þegar ég sé hana! Efast um að það sé til fyndnari mynd af yours truly!

Skin og skúrir

Gærdagurinn var í senn skemmtilegur og ömurlegur. Hann hófst á því að ég vaknaði og átti erfitt með að komast úr rúminu vegna þess að ég hafði tognað í kviðnum á leikæfingu daginn áður. Ég ákvað að vera dugleg og taka til í herberginu mínu, sem var eiginlega bara orðið ein stór hrúga af fötum sökum annríkis. Í miðjum klíðum gerðist eitthvað og ég fékk þetta svakalega tak í bakið og festist. Náði þó að losa mig en síðan þá er þetta tak búið að vera þarna og varla möguleiki fyrir mig að gera neitt nema að vera bein í baki nema ég sé tilbúin í ágætis sársauka.

Þannig ég lagðist upp í rúm og fór að hlaða inn tónlist á tölvuna mína af diskum sem ég fékk lánaða hjá mömmu. Þegar líða tók á kvöldið var ég orðin soldið þreytt á að vera ein með sjálfri mér og þar sem ég sat og var að velta því fyrir mér hvað hægt væri að gera í því msn-aði Pétur mig og bauð mér að kíkja yfir til hans þar sem hann og félagar hans sátu yfir bjór. Ég dreif mig yfir. Þar var setið fram á nótt og þá var ákveðið að drífa sig í bæinn.

Fórum og hittum Höllu, Kalla og kærustu Kalla/vinkonu Höllu á Kúltúra og fljótt bættust við Oddur og Óli vinur hans. Eftir einn drykk vildu Kalla og kærastan hans fara á Sólon og við Halla töltum með en ég var samt ekki alveg að fíla þetta því ég fer helst ekki á Sólon og þegar ég sá að það var svona hálftíma röð þá ákvað ég beila.

Heyrði í Pétri og þá voru þeir í röðinn hjá Ölstofunni. Mér leist betur á það og hitti þá þar. Sátum þar í góða stund í spjalli og tróðum okkur svo inn á Vegamót þar sem var dansað eins og vitleysingar. Þar ætlaði ég líka að kaupa mér drykk en neinei það var engin heimild á kortinu. Og þegar ég hætti að dansa fann ég að helvítis takið í bakinu var farið að sækja í sig veðrið. Ég og Pétur töltum þá heim á leið og ég sendi eitt sms úr símanum mínum, stakk honum í vasann en fór síðan að spá í hvað klukkan væri. Þannig ég stakk hendinni ofan í vasann til að ná í símann en nei þar var enginn sími! Pétur hringdi strax í hann og þá var búið að slökkva á honum. Við erum að tala um svona 2 mínútur sem liðu á milli vasapotana! Pétur gaf mér því pítsu og hjálpaði mér að finna út úr því hvernig ég ætti að ná að vakna eftir 5 tíma til að mæta á leikæfingu, því ég á engann annann vekjara en símann minn!

Þannig ég sendi Erlu Dóru sms af netinu og bað hana um að koma til mín klukkan hálf tólf og banka hjá mér svo ég myndi örugglega vakna. Hún gerði það en ég reyndar svaf illa í alla nótt og var alltaf að kíkja á klukkuna á tölvunni minni til að passa að ég væri ekki að sofa yfir mig. Held að þetta fái viðurkenninguna Ömurlegast sólarhringur seinustu ára! En ég skemmti mér samt mjög vel um kveldið þannig þetta voru engar hamfarir.

Svo núna ligg ég upp í rúmi þar sem ég er búin að liggja frá því um sjöleytið, á hitapoka sem Erla Dóra yndi kom með til mín (og gaf mér líka nammi og lánaði mér dvd). Hún er alger gullmoli sú stúlka. Hitapokinn er að vinna á takinu, hægt og bítandi, og á meðan ligg ég í dvdinu enda er ég búin að stunda það afskaplega lítið í vetur að horfa á myndir sem er eiginlega frekar undarlegt þar sem ég elska bíómyndir!

Ætti að vera að læra...en nenni því ekki þegar ég er svona farlama. Ætti kannski að vera að syngja líka en ofan á allt er ég á hraðri leið að fá hálsbólgu. Ætti að vera að sauma til að ná að selja eitthvað og fá pening, en þá komum við aftur að því að ég er ónýt.

Held að líkami minn sé bara að verða að drasli!

Ætla að halda áfram að horfa á kvikmyndir og borða nammi og jafnvel hita mér te með engifer út í.

Ef einhver vill koma og vorkenna mér er það leyfilegt. Bara koma og banka upp á, þýðir lítið að hringja í mig ;o)

Já, langt síðan síðast enda er Fanney systir búin að vera í bænum og þá er oftast bara sinnt því sem maður er skyldugur að sinna og allt annað fær að sitja á hakanum ;o)

Árshátíðin gekk vel og mættu nokkrir söngfuglar í fyrirpartý í Núpalindina en ég náði því miður lítið að sinna þeim vegna óvænts atviks :o) Salurinn var æði, skemmtiatriðin auðvitað frábær ;o), hljómsveitin fín og allir svo góðir að dansa ;oP Ég lenti í einhverskonar spennufalli þegar maturinn var að klárast og var eiginlega bara alveg út í móa restina af kveldinu en ég skemmti mér samt mjög vel :o)

Svo eru Bingóæfingar á fullu, LOKSINS! Og allt að smella saman! Jei! bara nokkrir daga í frumsýningu og bíðið bara ég á eftir að elta ykkur uppi á láta ykkur kaupa miða :o) Við verðum nefnilega að selja sem flesta miða á sem flestar sýningar STRAX svo við fáum að halda húsinu í þann tíma! Læt ykkur vita um sýningartíma þegar þeir verða komnir á hreint, sem ætti að vera eftir helgi .o)

Okkur úr Bingóinu var boðið á útgáfutónleika Silvíu Night á miðvikudagskveldið og var það alveg ágætasta skemmtun, bjóst samt einhvern vegin við meiru. Og afhverju geta sumir ekki skilið orðið Nei! sama hversu oft maður segir það?

Kíkti á Kofann eftir á og þar var eitthvað af liði sem maður þekkti og dansaði ég eins og maniac restina af nóttinni! Mjög góð útrás!

Djöfull hlakka ég samt til þegar allt verður orðið reyklaust!

Svo er maður bara búin að vera að vinna og í skólanum!

Tognaði reyndar í kviðnum á leikæfingu í gær! Það er frekar vont sérstaklega þar sem ég er með pínu kvef og þarf þess vegna að hnerra við og við ;o) Og held ég verði að láta rope yoga bíða næstu vikuna :o/

En núna er ég rokin!

Nenni ekki!

Í dag elska ég heiminn :o) Í gær hataði ég heiminn :o( Og í fyrradag elskaði ég heiminn :oD

Skemmtilegt að þetta raðist svona á annan hvern dag ;o)

Það er bara allt á einhvern vegin réttu róli :o) Og svo er sólin byrjuð að skína meira :o) Eins og ég elska haustið þá nær sólin alltaf að gleðja mig á vorin :o) Já og fuglasöngurinn og blómin sem byrja að spretta og hlýnandi veðurfar :o)

Vorvæmnin var í boði Peter Pan hnetusmjörs!

Haustið er bara einhvern vegin svo angurvært og dulúðugt :o) Aðeins dramatískara en vorið :o)

En þó ég sé yfirmáta kát og ánægð nenni ég ekki neinu! Nenni ekki í skólann á eftir, nenni ekki að taka til í herberginu mínu sem er í messi því seinustu daga hef ég ekki nennt að ganga frá öllu strax (en ég hef verið að reyna að temja mér það seinustu vikur), nenni ekki að læra, nenni að fara út í búð að kaupa eitthvað alminnilegt að éta (þannig í hádegismat var brauð með hnetusmjöri og kakómalt, sem stangast algerlega á við heilsusamlega mataæðið sem ég er búin að vera að reyna að temja mér seinustu vikur), nenni ekki að elda það sem er til að éta, nenni ekki að sauma, nenni ekki að fara yfir handritið mitt, nenni ekki að setja listann fyrir próf í rétta tímaröð, nenni ekki að henda ruslinu í ruslatunnuna úti í garði (þannig pokinn er bara úti á tröððum), nenni ekki að taka myndir af nýju dóti til að setja á uppboðssíðuna mína, nenni ekki að kíkja á myspace-ið mitt, nenni ekki nenni ekki nenni ekki nenni ekki!

En ég nenni að leyfa dagdraumunum að njóta sín til hins ítrasta ;o)

Nennti að skoða mögulegar sumarvinnur og sækja um 3 :o)

Og nennti að vakna klukkan 10 :o) Glaðvaknaði reyndar um hálf 9 en bara nennti ekki fram úr þannig ég lá dormandi til 10...er svona semi-sátt við það...!

Ætti að fara að gera eitthvað...eins og t.d. að klára að breyta kjólnum sem ég er að pæla í að vera í á árshátíðinni :o)

Jæja, látum hendur standa fram úr ermum! (Því annars getur maður dottið og meitt sig!)

Hitt og þetta

Jæja já!

Carmina Burana tónleikarnir gengu báðir mjög vel :o) Fyrri tónleikarnir voru kraftmeiri en seinni tónleikarnir þéttari og öruggari...Allavega fannst mér það :o) Þetta var allavega magnað!

Svo fór ég á leikæfingu í gærkveldi með Víði og Ágústu. Við vorum að æfa samrunasamningsdansinn! Og my god það tók á! Er með vott af harðsperrum í maganum núna! En hann á eftir að verða djöfulli flottur ;o) Arrrrrrrrrrriba!

Svo er það árshátíð næstu helgi! Úje! Fanney systir ætlar að koma mér mér og fer allur dagurinn í þetta stúss...nema svo þarf ég kannski að mæta á stutta leikæfingu og syngja á einum stað áður en ég fer í fyrirpartý! Missí bissí!

Á reyndar eftir að ákveða hvaða kjól ég ætla í og er mikið að pæla í að fara í einum nýjum en þá þarf ég að klára að breyta honum sem ég veit ekki alveg hvort að ég hef tíma í :o/

Svona er að vera farin að vinna á fullu! Þá hefur maður ekki tíma fyrir "hobbíin" sín!

En núna ætla ég að koma mér í sturtu og svo í söngtíma og eitthvað meira ;o)

Be good my children!

KNÚS!

Fór á frumsýningu á Epli og eikum hjá Hugleik í gær. Var alveg komin með fiðring í magann, líkum þeim sem maður fékk á jólunum sem krakki, og gat ekki beðið eftir að sjá og heyra! Og varð ekki fyrir vonbrigðum! Ótrúlega fyndið leikrit með mjög flottri tónlist! Leikararnir hver öðrum betri, persónurnar æðislegar, hljómsveitin mögnuð, leikmyndin, búningarnir, lýsingin og bara allt :o) Loved it! Spekkið þetta á Hugleikssíðunni.

Fór svo í afmæli/innflutningspartý hjá Björgu og var hún über-hress! Og svo mætti Bjarni á svæðið og var líka über-hress! Aðrir voru frekar rólegir ;o) Enda meira en helmingurinn í Óperukórnum og því ekki á dagskrá að rasa út á tónleikahelgi ;o)

Fór svo þaðan í frumsýningarpartý hjá Hugleik og þar var sungið og sungið eins og vera ber ;o) Já og nokkur trúnó í gangi í öllum hornum...eiginlega eins og vera ber líka ;oþ

Það eina sem er svo eftir þessa helgi eru Carmina Burana tónleikarnir. Æfing á eftir og svo tvennir tónleikar á morgun. Shjæsen-feldenkræsen! Býst við að sjá þig þar! Nánari upplýsingar er að finna í tenglinum í blogginu hér fyrir neðan.

Annars er ég bara alger lufsa þessa dagana...líður eins og það hafi skriðdreki keyrt yfir mig og bakkað svo yfir mig líka! Týndi mér svo gjörsamlega nýverið! Veit ekki hvaða manneskja kom í staðin! Mér líkaði allavega ekkert rosalega vel við hana...fannst hún eiginlega bara ömurleg! En núna er Jenný að koma til baka, hægt og rólega, og jafnvel betrumbætt ;o)

Þannig ef þið hittið mig eitthvað næstu daga þá er góður knús mjög vel þeginn!

Hvað verður þú að gera á sunnudaginn?

Á sunnudaginn verð ég þarna...endilega kíkiði!

Skilst á öllu að ekkja Carls ætli meira að segja að spekka þetta!